O Tum Ne Thaan Hi Li Hai

O Tum Ne Thaan Hi Li Hai
Hamaray Dil Se Niklo Ge
Tu Itna Jaan Lo Piyaray
Wafa Ki Seerhiyon Per Her Her Qadam Phaila Hoa Hai
Yeh Aarzo’on Ka Laho Zaaya Na Jaye Ga
Samnader Saamnay Hoga Ager Saahil Se Niklo Ge
Sitaaray! Jin Ki Aankhon Ne Hamain Ik Saath Daikha Tha
Gawahi Dainay Aaayen Ge!
Puranay Kaghazon Ki Balcony Se Buhat Se Lefz Jhankain Ge
Tumhain Wapis Bulayen Ge
Kayee Waaday, Fisadi Qerz Khwahon Ki Tarah Restay Main Rokain Ge
Tumhain Daaman Se Pekrain Ge!
Tumhari Jaan Khayen Ge
Chupa Ker Kis Tarah Chehra
Bheri Mehfil Se Niklo Ge
Zara Phir Soch Lo Janaa
Nikal Tu Jao Ge Shayed
Mager Mushkil Se Niklo Ge!