Kahin Kahin Se Har Chehra Tum Jaisa Lagta Hai
Tum Ko Bhool Na Payenge Hum, Aisa Lagta Hai
Aisa Bhi Ik Rang Hai Jo Karta Hai Baatein Bhi
Jo Bhi Isko Pehan Le Vo Apna Sa Lagta Hai
Hum Kya Bhichhade Bhool Gaye Riston Ki Sharafat Hum
Jo Bhi Milta Hai Kuch Din Hi Acha Lagta Hai
Ab Bhi Yoon Milte Hain Humse Phool Chameli Ke
Jaise Inse Apna Koi Rishta Lagta Hai
Aur To Sab Kuch Theek Hai Lekin Kabhi-Kabhi Yoon Hi
Chalta-Firta Shehar Achanak Tanha Lagta Hai