Kabhi jo hum nahi hon ge

Kabhi jo hum nahi hon ge
Kaho kis ko batao ge

Woh apni uljhanein saari
Who bechaini mein doobe pal

Woh aankhon mein chhupe aanso
Kisse phir tum dikhao ge

Bohat bechain ho ge tum
Bohat tanha reh jao ge

Abhi bhi tum nahi samjhe
Humari unkahi baatein

Magar jab yaad aayen gi
Bohat tum ko rulayen gi

Bohat Chaho ge phir bhi tum
Humein na dhoond pao ge

Kabhi jo hum nahi hon ge
Kaho kis ko batao ge!