Maa aaj khaane mein kya bana rahi ho

ye line hum sab kehte rehte hai…puchhte rehte hai

Chahe bacha ho
Ya bada
Aap ho ya mein

School/college se aate hee
Ya office se phone karke
Yehi puchhte hai
Maa aaj khaane mein kya bana rahi ho…aur Maa to Maa hai
Vo samj jaati hai…ki aaj humein kuch aur khaana hai
To vo kehti hai Jo tum kaho
Aur hum jatt se apni manpasand cheez kehte hai
Aisa nahi hai ki maa ko hamari pasand malum nahi hoti hai
Bas us waqt humein kya khaane ki ichha hai vahi puchhti hai Maa..

Aur fir kya..
Maa lag jaati hai
Taiyariyo main
Chahe beta ho ya beti
Chhota ho ya bada
Sabki farmaisho ko pura karne mein

Maa ke liye dharam sankat kya hota hai pata hai…???
Ye nahi ki aapki fav dish banane me time lagega ya mehnat hai bahut…
na bilkul na

Balki ye ki jo aapki pasand hogi
Vo ghar me kisi ne kisi aur ko nahi pasand hogi…fir sabki pasand ka khayal rakhte hue
Maa khaana banati hai

Kabhi Maa se kehke dekhna
Maa aaj jo tumhe pasand ho vo banao
To bhi maa vahi banayegi jo aapko pasand hai ye kehte hue ki ye mujhe b pasand hai 🙂

Ek din maine socha kyu na main kuch banau..maa ko kaha
Maa aaj aap aaram karo
Aaj main kuch banata hoon

To maa kehne lagi pagal ho gaya hai kya
Ladke bhi kabhi khaana banate hai ?
Chal hatt..aur mujhe kitchen mein jaane de…
Maine kaha nahi maa
Aaj aapki kitchen mein no entry
Bas aaj aap kahein ki kya khayenge aap…jo b aapka man ho aaj khaane ko

To maa muskura kar boli vaise to
Teri nani ki banayi hui har cheez meri man pasand hai..fir bhi..
Jo bhi tum banaoge vo mera aaj se man pasand……….

Hum sabki pasand mein
Khud ki pasand ko bhul jaati hai…
Kuch Aisi hoti hai maa

Maa..
socha kuch likhu
par hazaaro khayal lakho alfaaz jawaab de gaye
is ik shabd ke saamne…MAA

Main chahu to bhi
shayad kuch likh na pau
ki

kaisi hoti hai MAA
Na ki sirf meri..par duniya ki saari Maa-ein
Aisi hoti hai…

Sabhi MAA-O ko mera
Shat shat naman..🙏

Jo aap karte ho Maa
Use chukaana to door ki baat…
Chukane ka sochna bhi mere bass main nahi..
Maa-o ka tyag..unka prem…
shabdo main bayaan karna bhi mere bass main nahi….
gar koi jo puchhe kaisi hoti hai maa
To kehna…kuch aisi hoti hai Maa…….kuch aisi hoti hai MAA……

HAPPY MOTHERS DAY 🙂