Jeevan me humein kayi aise rishte milte hain jo bojh ki tarah feel hote hain, aur kayi aise rishte jinse milna julna jyada nahi hota, dur rehte hain lekin fir bhi bahut najdik ka anubhav hota hai. Feel hota hai jaise ye hamare apne hain, bahut gahra rishta hai hamara. Ye koi coincidence nahi hai. Un atmao se pichle janam me kahin na kahin bahut kareeb ka rishta raha hai hamara, isiliye unse apne pan ki anubhuti hoti hai. Jaise positive relation bante hain waise negative relations bhi bante hain aur wahi atmayien fir se hamare jeevan me ate hai dukh dard dene ke liye. To ye kahne ka koi faida nahi ki meri wife aisi kyun, mujhe aisa husband kyu mila, mere bacche aise kyu behave karte hain mere sath, mujhe aise parivar me janam kyu mila. Ye hamara hi karmic account hai jo humein hi settle karna hai. Jitni jaldi ise accept kar lenge utni asani se isse mukt ho jayenge. Ab is janam me koi naya karmic account create nahi kijiye, har kisi se acche sambandh hi banaiye.
Na dard do, na dard lo.